Вести од Истокот: Хит-комедијата „Враќање на Жикина династија“ пристигнува во Делчево и Македонска Каменица

Делчево/Македонска Каменица, 24 март 2026 – Љубителите на добриот хумор во Делчево и Македонска Каменица ќе имаат можност да уживаат во кино-проекции на новото продолжение на популарната комедија „Враќање на Жикина династија“, која веќе предизвикува голем интерес кај публиката.

Во Делчево, проекцијата ќе се одржи на 27 март во кино салата, со почеток во 18:00 часот. Цената на билетот е 150 денари, а филмот е наменет за публика над 12 години и трае 100 минути.

Во Македонска Каменица, филмот ќе биде прикажан на 31 март во Домот на култура, во организација на КИЦ „Романса“, со почеток во 19:00 часот. Билетите во претпродажба се по цена од 150 денари, додека на денот на проекцијата ќе чинат 200 денари.

Станува збор за филм кој го враќа препознатливиот хумор и омилените ликови од култната серија, а во центарот на приказната повторно е ликот на Миша Павловиќ, кој го толкува актерот Никола Којо. Новото продолжение носи свежи, но и носталгични моменти, исполнети со семејни вредности и комични ситуации.

Организаторите информираат дека интересот е голем и препорачуваат навремено обезбедување билети.

Публиката во двата града ја очекува вечер исполнета со смеа, дружење и вистинско кино доживување.

Be the first to comment

Leave a Reply

Your email address will not be published.


*