Градоначалникот на Општина Делчево, Иван Гоцевски, присуствуваше на свеченоста по повод Денот на 2. пешадиски баталјон и одбележувањето на 30-годишниот јубилеј од формирањето на единицата „Скорпии“.
Три децении посветеност, професионализам, дисциплина и одговорна служба во интерес на државата се вредности кои заслужуваат особена почит, истакна градоначалникот Гоцевски, упатувајќи признание до сите припадници кои низ годините го граделе угледот и традицијата на единицата, како и благодарност до оние кои и денес одговорно ја извршуваат својата должност.
„За мене претставува особена чест што денеска сум дел од ова одбележување. Триесет години постоење на единицата „Скорпии“ се три децении исполнети со посветеност, професионализам и служба во интерес на државата. Тоа е традиција која заслужува почит и која треба да се негува“, порача градоначалникот
По повод Денот на 2. пешадиски баталјон и големиот јубилеј – 30 години од формирањето на единицата „Скорпии“, градоначалникот на Општина Делчево, Иван Гоцевски, присуствуваше на свечениот настан каде на општината ѝ беше врачено високо признание за зајакнување на одбранбените капацитети и партнерството со Армијата.
- Повод: Ден на 2. пешадиски баталјон и 30-годишен јубилеј на единицата „Скорпии“.
- Признание: Општина Делчево доби Благодарница за придонесот во развојот, осовременувањето и јакнењето на Армијата и одбраната.
- Главна порака: Градоначалникот Гоцевски ја истакна заложбата за продолжување на институционалното партнерство и поддршката за армиските припадници.
Градоначалникот Иван Гоцевски истакна дека трите децении постоење на „Скорпиите“ се симбол на професионализам, дисциплина и непрекината служба во интерес на граѓаните и државата. Тој посочи дека добиената благодарница претставува потврда за успешната соработка меѓу локалната самоуправа и Армијата, но и обврска за идно заедничко делување.
„Благодарницата е потврда дека нашето партнерство и пријателство се градат во вистинска насока, но истовремено е и обврска во иднина да отвораме нови перспективи за соработка, во интерес на позитивната афирмација на Армијата и на луѓето кои се грижат за нашата безбедност“, порача Гоцевски.
Упатувајќи честитки до командантот, потполковник Ристо Стоев, и до сите припадници на баталјонот, градоначалникот им посака добро здравје, професионални успеси и уште многу години исполнети со чест и достоинство во служба на државата.

Leave a Reply