Пехчевската поетеса Габриела Костадинова со трета награда на меѓународната манифестација „Под Мојсијским небом“

Пехчево, 24 септември 2026 – Пехчевската поетеса Габриела Костадинова освои трета награда на меѓународната поетска манифестација „Под Мојсијским небом“, што се одржа во Крушевац, Србија, со песната „Детињство и завичај“.

На манифестацијата учествувале поети од поранешните југословенски републики, а според објавата на Костадинова, нејзината песна била избрана од страна на жирито меѓу пристигнатите творби.

Иако не била во можност лично да присуствува на манифестацијата, Костадинова ја изрази благодарноста до членовите на жирито за освоеното признание.

– Иако не успеав да бидам дел од оваа манифестација, пресреќна сум што жирито ме одбра мене како поетеса од Македонија, од Пехчево и ми додели трета награда – напиша Костадинова.

За неа, ова признание претставува уште една потврда дека поезијата од Пехчево и од Македонија наоѓа свое место и на меѓународните поетски средби.

Габриела Костадинова подолг период е активна во културниот и поетскиот живот, а нејзиното творештво и придонесот во културниот живот во Пехчево се документирани и во материјали на Општина Пехчево.

Со новото признание, Костадинова продолжува да ја претставува поетската сцена од Пехчево и Македонија и на книжевните манифестации во регионот.

Be the first to comment

Leave a Reply

Your email address will not be published.


*