Обилните врнежи од дожд што го зафатија Делчевскиот Регион денеска предизвикаа појава на одрони на патниот правец Делчево – Македонска Каменица. Возачите да бидат особено внимателни поради наносите од земја и камења на коловозот.
Врнежливото време што денеска го зафати Делчевско создава проблеми и во одвивањето на сообраќајот. На патниот правец Делчево – Македонска Каменица се забележани одрони на повеќе места, за што сведочат и фотографиите од теренот.
Според информациите со кои располагаме, надлежните екипи се веќе на терен и преземаат активности за справување со настанатата состојба.
Во Делчево денеска преовладува облачно време со повремени врнежи од дожд, а дневната температура се движи до околу 9 степени Целзиусови. Според метеоролошките најави, врнежите ќе продолжат и во текот на денот.
Од АМСМ предупредуваат на внимателно возење по влажните коловози и зголемена опасност од одрони, особено на патните правци низ котлините и речните долини, меѓу кои е и делницата Кочани – Делчево.
Се апелира до сите учесници во сообраќајот да ја приспособат брзината на условите на патот, да држат соодветно растојание и да бидат особено внимателни при движењето на патниот правец Делчево – Македонска Каменица.
Фото: @Delcevo365.mk c



Leave a Reply