Во атарот на село Тработивиште, во близина на Прочистителната станица за вода, денеска е поставена сеизмолошка опрема за следење и регистрирање на земјотресите, со што се унапредуваат можностите за мониторинг на сеизмичката активност во Делчевскиот регион.
Опремата е обезбедена и поставена од Сеизмолошката опсерваторија при Природно-математичкиот факултет, во рамки на активностите за унапредување на сеизмолошкиот мониторинг и прибирање релевантни податоци за земјотресите.
Поставувањето на опремата има особено значење ако се има предвид дека Делчево и Берово припаѓаат на источно-македонската сеизмогена зона, во која се регистрира сеизмичка активност.
Со новата опрема ќе се овозможи континуирано следење и регистрирање на земјотресите, како и прибирање подетални податоци за сеизмичките карактеристики на ова подрачје, што е од значење за научните истражувања и подоброто познавање на природните појави.
Од Општина Делчево ја истакнуваат поддршката за соработката со научните институции, нагласувајќи ја важноста на стручните истражувања и достапноста на релевантни информации за природните појави и нивното следење.
Со поставувањето на сеизмолошката опрема се создаваат подобри услови за научно следење на сеизмичката активност во овој дел од државата.

Leave a Reply