Женската пејачка група „Ѓурѓа“, која работи во состав на НУ Центар за култура „Никола Јонков Вапцаров“ – Делчево, вечерва настапи на концертната вечер „Вечер на македонска хорска класика, штипски автори и православна духовна ризница“, што се одржа во Штип.
Настапот беше реализиран на покана на НУ Центар за култура „Ацо Шопов“ – Штип и Градскиот камерен хор „АСТИБО“, кои беа домаќини на музичкиот настан.
Пред штипската публика, делчевската група се претстави со својот музички настап, кој беше проследен со громогласен аплауз и позитивни реакции од присутните.
Од НУ Центар за култура „Никола Јонков Вапцаров“ – Делчево упатија благодарност до домаќините за воспоставената соработка и укажаната можност групата „Ѓурѓа“ да биде дел од оваа концертна вечер, посветена на богатството на македонската хорска традиција, музичкото творештво на штипските автори и православната духовна музика.
Уште едно успешно претставување на делчевските музички уметници надвор од градот, со кое се потврдува значењето на културната соработка и негувањето на македонското музичко наследство.

Leave a Reply