Китански во посета на фабриката Росенбауер и регионалната депонија CEROP во Словенија

Градоначалникот на општина Пехчево, Александар Китански, оствари значајна работна посета на фабриката Росенбауер во Горна Радгона, Република Словенија која е водечки европски и светски производител на противпожарни возила и опрема.

За време на посетата како што стои во неговата објава беа презентирани најновите технологии и иновации во областа на противпожарната заштита, како и потенцијалите за идната соработка и набавка на современа опрема и противпожарно возило наменети за Доброволното противпожарно друштво – Пехчево.

Китански на средбата ја нагласи клучната важност на вложувањето во безбедносната инфраструктура, како и обезбедувањето на модерни средства за интервенција – со цел ефикасна, навремена и професионална заштита на животите и имотот на граѓаните.

Изрази голема благодарност до тимот на Росенбауер Словенија за топлиот прием, одличната организација и деталната презентација на нивната напредна опрема, порачувајки дека безбедноста на граѓаните останува врвен приоритет на Општината.

Претходниот ден градоначалникот на Пехчево, Александар Китански ја посети и регионалната депонија CEROP – Република Словенија, каде што беше топло примен од заменик директорот Тања Багар и директорот за развој Роберт Сочиќ.

Целта на посетата беше размена на искуства и согледување на современи и еколошки решенија за управување со отпадот, кои би можеле да се применат и кај нас.

-Разговаравме за одржливи практики, зелени технологии и можности за идни соработки. Заедно градиме почиста и поодговорна иднина!, подвлече во објавата пехчевскиот градоначалник.

Be the first to comment

Leave a Reply

Your email address will not be published.


*