Настан во Берово: „Огaнот не простува, а шумата е живот”

Настанот се одржа додека на планината Готен беснееше повеќедневен пожар што опожари голема површина и претставуваше сериозна закана за блиските населени места — што дополнително ја нагласи потребата за мобилизација, солидарност и итна акција.

👥 Клучни пораки и учесници
Дина Муцунска, претставник на Еко-зелено движење – Берово, го отвори настанот со порака:

„Шумите се наш најголем сојузник во борбата со климатските промени. Ако не делуваме сега – утре ќе биде доцна.“

Од ТППЕ Берово беа пренесени сведоштва од терен: борбата со огнот, ризиците, заморот, но и пожртвуваноста на пожарникарите.

Војо Соколовски, од Националното здружение на приватни шуми, подвлече:

„Шумите не се само дрвја – тие се извор на живот, вода и воздух.“

Доброволното противпожарно друштво од Пехчево го сподели својот пример како инспирација за реактивирање на слично друштво во Берово:

„Секој обучен и опремен човек е додатна сила на страната на шумата и животот.“

Бојана Станојевска Пецуровска, од Центарот за климатски промени, упати повик за итни законски и системски мерки, меѓу кои:

Забрана за сеча и стопанисување со дрва на опожарени подрачја

Забрана за трансформација на опожарено земјиште

Строги казни за подметнувачите на пожари

„Само вака ќе ставиме крај на пожарите подметнати од алчност.“

🌱 Симболи и ангажман
Засадено е дрво на плоштадот – симбол на новата свест и обврска кон природата

Граѓаните се потпишаа на декларацијата „Јас не палам“

Децата од градинката „23 Август“ со цртежи и пораки порачаа: „Шумата е живот. Чувајте ја.“

Секое дете доби симболичен подарок – мало дрвце, со пораката: „Посади љубов, расти одговорност“

🤝 Организатори и поддржувачи:
Еко-зелено движење – Берово

Центар за климатски промени

Со поддршка од:

Општина Берово

ТППЕ Берово

ДЗС – Подрачно одделение Берово

ЈП Национални шуми / Шумска полиција

Национално здружение на приватни шуми

ДПД Пехчево

Детска градинка „23 Август“ – Берово

Настанот е дел од проектот „Регионално партнерство за подобро спроведување на Зелена агенда за Западен Балкан на локално ниво“, финансиран од Цивика Мобилитас со поддршка од Владата на Швајцарија.


Be the first to comment

Leave a Reply

Your email address will not be published.


*