Стаменкова: Се унапредува дуалното образование во Македонска Каменица

Во насока на унапредување на дуалното образование, денеска во Македонска Каменица се одржа работна средба меѓу градоначалничката Соња Стаменкова, претставници на СОУ „Миле Јаневски Џингар“ и компанијата Рудник САСА.

Средбата се реализира во рамки на досегашната успешна соработка и потпишаниот Меморандум за соработка меѓу образовната институција и стопанството. На состанокот беа разгледани реализираните активности, беа разменети искуства, како и договорени идните чекори за понатамошно зајакнување на дуалното образование.

Посебен акцент беше ставен на практичната настава и подобрата подготовка на учениците за вклучување на пазарот на трудот, со цел создавање стручен и конкурентен кадар.

Од Општина Македонска Каменица истакнуваат дека партнерствата меѓу образовните институции и компаниите се од клучно значење за обезбедување реални можности за вработување на младите и нивно задржување во општината.

Локалната самоуправа најавува дека и во наредниот период ќе продолжи со активности насочени кон поддршка на младите и инвестирање во нивната иднина.

#ВЕСТИОДМАКЕДОНСКАКАМЕНИЦА

Be the first to comment

Leave a Reply

Your email address will not be published.


*