Во салата „Македонски Бранители“ во Берово, со почеток во 18:00 часот, започнуваат Работничките спортски игри 2026 – турнир во мал фудбал, во организација и под покровителство на Општина Берово. Турнирот свечено ќе го отвори градоначалникот Петар Ружински, а учесниците се замолуваат да бидат присутни на отворањето.
Првото коло ќе се одигра на 19 февруари 2026 година, според следниот распоред:
- 18:00 – Образование – МВР
- 18:30 – АРСМ – Фагус и Национални Шуми Пехчево
- 19:00 – Општина Берово и Здравствен дом – Приватни фирми и угостители
- 19:30 – Труд и социјала – Роми
Ждрепка и групи
Ждрепката се одржа на 16 февруари 2026 година, во присуство на претставници од сите екипи, а беа формирани две групи:
Група А: Образование, Труд и социјала, Роми, МВР
Група Б: АРСМ, Општина Берово, Приватни фирми и угостители, Фагус и Национални Шуми Пехчево
Натпреварите се играат во систем секој со секој, а првите две екипи од секоја група ќе се пласираат во полуфиналето. Вкрстувањето ќе биде: А1 – Б2 и Б1 – А2.
Правила и бодување
- Победа – 3 бода
- Нерешен резултат – се изведуваат по 3 седмерци (победник 2 бода)
- Пораз – 1 бод
- Две полувремиња по 10 минути
- Дозволени 4 фаули по полувреме; за секој нареден фаул – пенал
- Екипите имаат право на еден тајм-аут по натпревар
- Исклучувања: 2 минути за прв прекршок, 4 минути за потежок прекршок, црвен картон за недолично однесување
Општина Берово им посакува на сите учесници добра и фер игра, со спортски дух и забава за сите присутни.
Сите спортски љубители се поканети да присуствуваат во салата „Македонски Бранители“ на 19 февруари со почеток во 18:00 часот.

Leave a Reply