Нова учебна година – нови почетоци за учениците од Берово, Пехчево и Македонска Каменица

Со детски насмевки, возбуда и првото училишно ѕвонче денеска започна новата учебна година и во источниот дел од земјава. Во Берово, Пехчево и Македонска Каменица, училишните клупи повторно ги исполнија ученици, а за најмладите – првачињата – започна едно ново и важно животно поглавје.

Во Македонска Каменица, првачињата беа свечено пречекани во ООУ „Св. Кирил и Методиј“. За нивниот прв училишен ден беа обезбедени и пригодни подароци, а со најмладите ученици, нивните родители, наставниците и раководството на училиштето денот го одбележа и градоначалничката на Општина Македонска Каменица, Соња Стаменкова.

ИЗЈАВА – СОЊА СТАМЕНКОВА, градоначалничка на Општина Македонска Каменица

Првиот училишен ден за најмладите ученици е почеток на пат исполнет со нови знаења, пријателства и искуства. Со многу возбуда, но и со желби за успешна учебна година, првачињата ги направија своите први чекори во училишните клупи.

Во Пехчево, пак, новата учебна година ја започнаа вкупно 242 ученици, од кои 21 прваче за првпат седна во училишните клупи.

За најмладите, првиот училишен ден беше исполнет со возбуда – нова средина, нови наставници и нови другарства. По повод почетокот на учебната година, честитка до учениците упати градоначалникот на Општина Пехчево, Александар Китански.

ИЗЈАВА – АЛЕКСАНДАР КИТАНСКИ, градоначалник на Општина Пехчево

Од Општина Пехчево на учениците им посакаа успешна и исполнета учебна година, со многу нови знаења, пријателства и достигнувања, а на првачињата среќен прв училишен ден.

И во Берово првото училишно ѕвонче денеска ги отвори вратите на училиштата за новата учебна година. Беровските училишта повторно се исполнија со детски гласови, насмевки и возбуда.

За првачињата ова е почеток на едно ново поглавје, додека за останатите ученици започнува уште една година исполнета со учење, дружење, предизвици и нови искуства.

По повод првиот училишен ден, беровските училишта ги посети градоначалникот на Општина Берово, Петар Ружински, кој на учениците им посака успешен почеток и многу успеси во новата учебна година.

ИЗЈАВА – ПЕТАР РУЖИНСКИ, градоначалник на Општина Берово

Новата учебна година носи нови предизвици, но и нови можности за учениците. Првото училишно ѕвонче е симболичен почеток на уште една година во која најмладите ќе стекнуваат знаења, ќе создаваат нови пријателства и ќе ги прават првите чекори кон остварувањето на своите соништа.

За учениците од Берово, Пехчево и Македонска Каменица денеска започна ново поглавје. Со желби за здравје, успех, знаење и многу детски насмевки, тие ја започнуваат учебната 2026/2027 година.

Среќен почеток и успешна учебна година за сите ученици!

Be the first to comment

Leave a Reply

Your email address will not be published.


*