ОФК Малеш со победа од 3:2 над Дојранско Езеро

Марјан Пачарски, Христијан Чукарски и Драган Буровски ја обезбедија победата за беровскиот тим

ОФК Малеш од Берово забележа нова победа, откако на натпреварот против екипата на ФК Дојранско Езеро славеше со 3:2, во возбудлив и неизвесен дуел.

Головите за беровскиот тим ги постигнаа Марјан Пачарски, Христијан Чукарски и Драган Буровски, со што му донесоа нов успех на својот клуб.

Од ОФК Малеш упатија честитки до фудбалерите за прикажаната борбеност, пожртвуваност и тимски дух, потенцирајќи дека продолжуваат со заедничка работа и заложба за нови успеси.

Воедно, клубот изрази голема благодарност до компаниите „Зегин“, „Треновски ДООЕЛ“ и ресторанот „Ловен Дом“ од Берово за нивната поддршка и придонес во работата и развојот на клубот.

Од ОФК Малеш посочуваат дека поддршката од општествено одговорните компании претставува дополнителна мотивација за продолжување на активностите и развојот на фудбалот во Берово.

Be the first to comment

Leave a Reply

Your email address will not be published.


*