Ученици од ООУ „Миле Јаневски – Џингар“ се вклучија во активност посветена на штетните последици од дрогата, алкохолот и цигарите.
Македонска Каменица, 2 ноември 2026 (Делчево365) – По повод одбележувањето на месецот посветен на борбата против зависностите, Општинската организација на Црвениот крст – Делчево реализираше едукативна работилница со ученици од ООУ „Миле Јаневски – Џингар“ во Македонска Каменица.
Работилницата се одржа на 2 ноември 2026 година, а беше посветена на подигнување на свеста кај младите за штетните последици од употребата на дрога, алкохол и цигари, како и за ризиците што зависностите ги носат по здравјето и квалитетот на животот.
Преку ваквите едукативни активности, учениците имаат можност да се информираат за важноста на превенцијата, правилното информирање и усвојувањето здрави животни навики уште од најрана возраст.
Со оваа активност, Црвениот крст продолжува со својата едукативна и превентивна улога во заедницата, насочена кон информирање и заштита на младата популација.

Leave a Reply