ЕУ патувачкиот автобус во Делчево, општината со потенцијал за развој и поддршка од ЕУ фондовите

Во работна посета на Делчево денеска престојуваше амбасадорот на Кралството Холандија, Вилем Ваутер Пломп, а во рамките на кампањата на ЕУ, „ЕУ за тебе“ по повод Денот на Европа и ЕУ – патувачки автобус.
 
Во рамките на посетата, амбасадорот оствари средба со градоначалникот на Општина Делчево, Горан Трајковски, на која беа потенцирани потенцијалите за развој на Делчево и поддршката од ЕУ-фондовите за решавање на инфраструктурни проблеми на Делчево.
 
Градоначалникот Трајковски го истакна значењето на поддршката од ЕУ преку најразлични фондови, посебно инструментот за прекугранична соработка како можност нашиот град со партнерска општина од соседната европска држава да реализира капитални проекти кои треба да го подобрат квалитетот на животот во пограничниот регион и да го забрзаат неговиот развој.
 
-Се надевам дека оваа посета на неговата екселенција ќе му овозможи подобро да го запознае Делчево и очекувам оваа убава средба да донесе и идна соработка. Посебно ме радува што Делчево е на агендата на ЕУ во рамките на кампањата „ЕУ за тебе“ и симболичниот патувачки ЕУ-автобус, бидејќи ефектите од една ваква директна промоција на ЕУ се двојни и граѓаните ќе можат директно да ги потенцираат нивните надежи и очекувања од европската иднина на Северна Македонија, но и претставниците од Делегација на ЕУ да се запознаат со Делчево, со нашите граѓани и со животот во ова погранично гратче и плановите за негов развој, рече Трајковски.
 
Амбасадорот Пломп потенцираше дека Делчево има големи потенцијали за развој.
 
-Многу сум задоволен што сум денеска во Делчево , од средбата со градоначалникот Трајковски од прекрасната природа, интересното минато. Мислам дека е преркрасна општина со многу потенцијал, соживот за пример, економски и социјални потенцијали, но и туристички потенцијали, рече Пломп.
Амбасадорот во придружба на градоначалникот го посетија и делчевскиот Локален музеј „Пијанец“, како и изложбата во Делчево „Ранохристијански керамички икони“

 

Be the first to comment

Leave a Reply

Your email address will not be published.


*