Есенски рекреативни активности во организација на ООУ „Св.Климент Охридски“

Во организација на деветолетката „Св.Климент Охридски“, денес во Делчево се реализираше есенскиот спортско-рекреативен излет, како дел од еднодневната прошетка до манастирскиот комплекс „Св.Богородица Балаклија“.

Настанот се состоеше од пешачење, рекреирање и спортски дел, а како дел од заедничката соработка помеѓу деветолетката и ПСК „Голак“ од Делчево, свој допринос даде и претседателот на клубот, Љупчо Чучуковски.

За учениците, денешниот ден беше прекрасно доживување во природа.

-Јас сум деветто одделение, игрите беа прекрасни, сите деца се забавуваме добивме ,награди, беше интересно, многу забава, игра мсеа и така, истакна ученичката Софија Дончевска.

-Оваа прошетка многу ми се допадна, бидејки имаше вакви игри како теглење со јаже, пукање на балони, а исто така ми се допадна, бидејки беше организиран во природа и беше многу забавно, истакна ученикот Лука Стоименовски.

На еднодневната екскурзија учествуваа над 200 ученици заедно со нивните наставници.

Што за учениците значеше ова доживување и кои се игри имаа можност да ги одиграат со своите наставници и претседателот на ПСК „Голак“, Љупчо Чучуковски, погледнете во видеото во продолжение.