Во акцијата „За почист воздух“ во Делчево засадени 200 садници

Во Делчево утрово се спроведе акција за пошумување со млади садници. Јавори, јасени, липи и чемпреси се засадуваа во урбаниот дел од градот по однапред направен распоред од одговорните лица во Општина Делчево. Во акцијата „За почист воздух“ се вклучија општинската администрација, советниците, училиштата, претставници од институциите, граѓанскиот сектор и граѓани. Во акцијата свој допринос даде и делчевскиот градоначалник Горан Трајковски, кој најави вакви акции и во иднина.
 
-Грижата за здрава и чиста животна средина е приоритет за нас, но тоа е исто така и наша обврска, моја како градоначалник на општина Делчево, обврска на општинската администрација и сите институции. Денес засадуваме садници во централното градско подрачје, се со цел да ги зголемиме зелените површини кои се бели дробови за сите нас. Од садниците имаме 200 садници од јавор, јасен, чемпрес и липа и во оваа прилика најавувам дека и понатаму ќе спроведуваме вакви акции во централното градско подрачје, рече Трајковски.
Активни учесници во акцијата беа и претставници од Здружението на пензионери.
-Секако дека вакви акции се од голема корист за сите нас и се надеваме дека се почесто ќе се одвиваат во Делчево, велат делчевските пензионери.
Садниците кои беа обезбедени од ЈП „Македонски шуми“-ПШС „Малешево“ се засадуваа во делот од мостот на река Габровчица, паркот кај езерцата до градскиот стадион, додека останатите беа засадени по школските дворови и по должината на булеварот.
 
Акцијата се спроведува паралено со кампањата против загадување на воздухот, а во акцијата со свои активности за подготовка на теренот се вклучија и ЈКП „Брегалница“ и ЈП „Национални шуми“- ПШС „Голак“ Делчево.

Во акцијата „За почист воздух“ во Делчево засадени 200 садници

Во акцијата „За почист воздух“ во Делчево засадени 200 садници

Posted by delcevo365.mk on Saturday, 23 November 2019

Be the first to comment

Leave a Reply

Your email address will not be published.


*