Со излегување од печат на џебното издание ,,Корона катрени” од авторот Васил Маневски, Пијанечкото роднокрајно творештво збогатено за уште еден настан. Делото како што информира авторот е прво од ваков вид напишано од роднокраен автор.
-Во делото се напишани стихови, т.е катрени посветени на актуелната ситуација со светската пандемија. Во соработка со Здравствен дом ,,Гоце Делчев” Делчево и Јавната локална библиотека ,,Илинден” во согласност со условите кои ги наметнува вирусот Ковид-19, планирано е да одржиме неколку промоции, со кои публиката одблиску ќе се запознае со ова дело, истакна Маневски.
Рецензент на книгата е доктор Билјана Георгиевска, додека предоговорот за ,,Корона катрени” го напиша д-р Марија Глигоровска која воедно е и директор на Здравствениот дом во Делчево, каде е предвидено да се одржат дел од промоциите.
Кориците на книгата се дело на познатиот катикатурист Миро Ѓеоргиевски, додека книгата е издадена од страна на издавачката куќа ,,Орион” под техничко водство на сатиричарот Миле Ѓорѓијоски .
Leave a Reply