Делчево го одбележа Денот на сестринството, за најхумана медицинска сестра годинава прогласена Сузана Панова

Меѓународниот ден на сестринството во Делчево одбележан со доделување на наградата за ,,Најхумана медицинска сестра”, награда која годинава и припадна на Сузана Панова, медицинска сестра со повеќегодишно искуство во Јавната здравствена установа Здравствен дом ,,Гоце Делчев”.

Наградата во присуство на директорот на Здравствениот дом Зоран Ѓорговски и ја доделија членовите на Здружението на медицински сестри, техничари, акушерки и стоматолошки сестри од Делчево кои информираа дека Меѓународниот ден на сестринството годинава се реализира под мотото ,,Ова е наше време”.

-Почетна точка на секој успех е желбата, бидејки за да се влијае врз текот на здравството треба да се биде навистина силен, а да се биде силен тоа значи да се биде медицинска сестра, како што е и слоганот оваа година ,,Ова е наше време”, време на медицинските сестри. Нека ни е честит и вековит денешниот ден, рече Панова по добивање на наградата.

Медицинските сестри од Делчево и од М.Каменица долги години се организирани на ниво на општина и се дел од републичкото здружение преку кое ги остваруваат своите права.

Be the first to comment

Leave a Reply

Your email address will not be published.


*