Во Берово закажана третата форумска сесија за креирање на Буџетот за идната година

Општина Берово со отворена покана до граѓаните за учество на третата форумска сесија:

-Ги покануваме, сите заинтересирани граѓани на Општина Берово, да учествуваат на буџетски форум, кој се спроведува од општина Берово.

На третата форумска сесија присутните, преку своето учество, ќе имаат можност да изберат кои проекти ќе влезат во Буџетот на општина Берово, за реализација за следната 2023 година.

Третата форумска сесија ќе се одржи на 07 ноември 2022 година (Понеделник) со почеток во 13:00 часот во просториите на големата сала на општина Берово.

Присуството на жителите, здруженијата на граѓани и претставниците на институциите, како и нивното активно учество на сесиите ќе биде од особено значење за успешно спроведување на буџетскиот форум и ќе даде голем придонес за креирање на буџетот на општина Берово.