Во рамки на официјалната посета на делегацијата од Општина Кумровец, денеска со мојот голега, градоначалник од Општина Кумровец, Република Хрватска, Роберт Шплајт, потпишавме Договор за збратимување меѓу општините Берово, Кумровец и Бољарово. Очекувам нашата соработката да произведе многу позитивни ефекти во општеството, кои ќе придонесат кон унапредување на состојбите на локално ниво.
Преку збратимувањето на Берово, Кумровец и Бољарево, ќе бидат разменети искуства и најдобри практики во областите од интерес на локалните заедници, а особено во областа на економијата, образованието, туризмот, екологијата, финансирањето, развојот на инфраструктурата, социјалната заштита и многу други.
Им посакав добредојде и пријатен престој на гостите, изразив задоволство од досегашната соработка, потенцирајќи дека денешното потпишување и збратимувањето помеѓу трите општини, ќе овозможи размена на искуства, кои ќе придонесуваат за подобар општествен напредок.
Збратимувањето помеѓу трите општини, од Република Северна Македонија, Република Бугарија и Република Хрватска, ќе биде појдовна точка за поттикнување и реализација на развојни проекти во трите локални заедници.
Leave a Reply