МВР поднесе кривична пријава против градоначалник на Делчево, тој одговори дека постапил согласно законот

Министерството за внатрешни работи поднесе кривична пријава против градоначалник на општина, поради сомнение дека при вработување на административен службеник ја злоупотребил службената положба и овластувањата. Според пријавата, градоначалникот Г.Т (53) наводно овозможил незаконски избор на кандидат, со што биле повредени законските прописи и ограничени можностите за рамноправно учество на други заинтересирани лица во постапката.

Во образложението на пријавата се наведува дека со таквото постапување градоначалникот ја пречекорил својата надлежност и донел решение кое не било во согласност со важечките правила за вработување на административни службеници: ЛИНК ОД ОБЈАВАТА НА МВР

Градоначалникот Трајковски, пак, во реакција нагласува дека постапил целосно согласно Законот за административни службеници и дека нема никаква злоупотреба на службената положба.

Тој објаснува дека целата постапка за селекција ја спроведува Агенцијата за администрација преку формирана комисија, која ги проверува документите, спроведува испит, интервју и административна селекција. По завршувањето на постапката, комисијата составува предлог-листа на кандидати, а градоначалникот е законски обврзан да го избере прворангираниот.

„Во конкретниот случај, прворангиран и единствен кандидат бил избраното лице, за кое е донесена одлука за избор и решение за вработување по јавниот оглас. Градоначалникот нема законска обврска да врши увид и проверка на документацијата, бидејќи тоа е во надлежност на комисијата на Агенцијата за администрација. Постапено е исклучиво согласно законот и нема никаква злоупотреба“, се наведува во неговиот одговор.

Одговорот на Трајковски на следниот ЛИНК

Be the first to comment

Leave a Reply

Your email address will not be published.


*