Ликовна работилница по повод Детската недела во Делчево

Во рамки на Детската недела, која традиционално се одбележува секоја година во првата седмица од октомври, во Делчево беше организирана ликовна работилница за најмладите.

Активноста ја реализираа ЈЛБ „Илинден“-Делчево, ликовното ателје „Љубомир Белогаски“ при НУЦК „Н. Ј. Вапцаров“-Делчево и ООУ „Ванчо Прке“, во соработка со наставничката по ликовно образование Антонела Спасовска Манова.

На работилницата учествуваа шест ученици: Марија Захариева, Елеонора Ѓеорѓиевска, Елена Стојановска, Сара Димитровска, Анисија Митков и Анабела Цветковска, кои на слободна тема создадоа уметнички дела.

– Се создадоа прекрасни слики од нашите мали, но големи уметници. Во најскоро време вакви работилници ќе бидат реализирани и со други образовни институции, а сите изработки ќе бидат изложени на едно место за да можат граѓаните да ги разгледаат, истакнаа организаторите.

Со одбележувањето на Детската недела се потсетува дека грижата за правата и интересите на децата не треба да биде само во оваа седмица, туку секојдневна обврска, согласно Законот за заштита на децата, Конвенцијата за правата на детето на ОН и меѓународните и домашни регулативи.

– Децата мора да бидат наш најважен приоритет. Тие тоа го очекуваат од нас. Тие тоа го заслужуваат. Да им овозможиме детето да биде дете, порачаа организаторите.

Be the first to comment

Leave a Reply

Your email address will not be published.


*