Нова опрема за сениорската екипа на ОФК „Малеш“ Берово

Ресторанот „Мис Стон“ од село Смојмирово донираше комплетна фудбалска опрема за сениорската екипа на Фудбалскиот клуб „Малеш“, информираше претседателот на клубот Петар Ружински.

Донацијата опфаќа дресови, тренерки, шушкавци и фудбалски топки, со што значително се подобруваат условите за тренинг и натпреварување на фудбалерите од беровскиот клуб.

Според Ружински, станува збор за значајна поддршка за локалниот спорт и за развојот на фудбалот во општината.

– Овој гест претставува голема помош за клубот и мотив за нашите фудбалери да продолжат со уште поголема посветеност. Поддршката од локалните компании е од исклучително значење за развојот на спортот и за мотивирање на спортистите да постигнуваат нови успеси, истакна Ружински.

Од клубот посочуваат дека со донацијата ресторанот „Мис Стон“ уште еднаш ја потврдува својата општествена одговорност и посветеност кон заедницата, особено кон младите спортисти кои ја претставуваат општината.

Од ФК „Малеш“ изразија надеж дека ваквата соработка со локалниот бизнис сектор ќе продолжи и во иднина, во интерес на развојот на спортот и поддршката на младите во општината.

Be the first to comment

Leave a Reply

Your email address will not be published.


*