Засилена координација за превенција од пожари во Македонска Каменица

Локалниот совет за превенција со фокус на современи технологии и одговорноста на граѓаните

Во Македонска Каменица денеска се одржа седница на Локалниот совет за превенција, на која претставници на надлежните институции разговараа за унапредување на координацијата и подготвеноста за справување со ризикот од пожари.

На состанокот беше заклучено дека е неопходно да се зајакне меѓуинституционалната соработка, со цел обезбедување навремена и ефикасна интервенција во рамките на надлежностите на секоја институција. Посебен акцент беше ставен на примената на современи технологии, меѓу кои и користење на дронови, за рана детекција и следење на состојбата на терен.

Истовремено, беше нагласена потребата од одговорно однесување на граѓаните, како и доследно санкционирање на несовесните постапки кои можат да предизвикаат пожари.

Од Локалниот совет за превенција потенцираат дека само со заедничка одговорност, добра координација и навремено дејствување може поуспешно да се заштитат шумите, природата и безбедноста на граѓаните во општината.

Be the first to comment

Leave a Reply

Your email address will not be published.


*