Дариа Димитровска го освои првото место, а ЈЛБ „Илинден“ најавува продолжување на традицијата со натпревар по изразно читање и рецитација.
Јавната локална библиотека „Илинден“ – Делчево, во традиционална соработка со основните училишта од Делчево, и оваа година го организираше натпреварот по краснопис, посветен на негувањето на убавината на рачното пишување, трудољубивоста и креативноста кај учениците.
По разгледувањето на пристигнатите ученички трудови, комисијата ги избра најуспешните учесници, чии ракописи се издвоија по уредноста, убавината и посветеноста.
Комисијата, составена од Валентина Даневска, Зорица Стојчевска, Елизабета Тасевска, Даниела Георгиевска и Анита Петровска, ги донесе следните одлуки:
Првото место ѝ припадна на Дариа Димитровска од ООУ „Ванчо Прке“, под менторство на наставничката Бети Јовановска.
Второто место го освои Ирина Ташевска од ООУ „Св. Климент Охридски“, чиј ментор е наставничката Атанаска Стоичовска, додека третото место ѝ припадна на Ена Цинцовска од истото училиште, под менторство на наставникот Дарко Цинцовски.
Сите останати учесници добија благодарници за вложениот труд, посветеноста и учеството во натпреварот.
Од ЈЛБ „Илинден“ им упатија честитки на наградените ученици, а на сите учесници им посакаа да продолжат да ја негуваат убавината на пишаниот збор и љубовта кон книгата. Воедно, изразија благодарност до основните училишта, наставниците и менторите за соработката и поддршката во реализацијата на оваа традиционална активност.
Убавиот ракопис не е само прашање на естетика, туку и одраз на трпение, внимание и љубов кон пишаниот збор.
Од библиотеката најавуваат дека активностите продолжуваат со претстојниот натпревар по изразно читање и рецитација.

Leave a Reply