Децата и креативните граѓани ќе ја создаваат новогодишната приказна на Делчево

Општина Делчево започнува новогодишна иницијатива со која празничното украсување на градот ќе добие поинаков изглед. Наместо готови украси, годинава новогодишниот амбиент ќе го создаваат самите делчевци, а главната улога ќе ја имаат најмладите.

Градоначалникот Иван Гоцевски, на прес-конференција, информираше дека во иницијативата ќе се вклучат сите основни и средни училишта во Делчево, како и детската градинка.

-Децата и учениците ќе изработуваат новогодишни лампиони и украси, кои ќе бидат поставени на градските улици. Во реализацијата ќе учествуваат и вработените во Општина Делчево и ЈКП „Брегалница“, кои ќе се погрижат за поставувањето на украсите и заедничкото разубавување на градот, истакна Гоцевски.

Тој нагласи дека иницијативата, покрај празничниот ефект, има за цел да поттикне креативност, заедништво и поголема грижа за заедничкиот простор.

-Исто така преку реалиацијата на оваа иницијатива ќе се овозможи заштеда на средства од општинскиот буџет, кои ќе можат да се пренаменат за други проекти и потреби на граѓаните, додаде Гоцевски.

Градоначалникот упати повик до граѓаните да ја поддржат иницијативата, нагласувајќи дека украсите изработени од децата ќе создадат и поголема одговорност за нивно зачувување и почитување.

Целта е иницијативата да прерасне во новогодишна традиција која ќе ги обединува генерациите и ќе ја потврдува идејата дека најубавите нешта се создаваат заедно

Be the first to comment

Leave a Reply

Your email address will not be published.


*