Општина Делчево и ДПД „Волонтер“ потпишаа Меморандум за соработка

Делчево, 24 март 2026 – Општина Делчево и Доброволното противпожарно друштво „Волонтер“ Делчево денес потпишаа Меморандум за соработка, со цел унапредување на координацијата и подготвеноста за справување со пожари и други елементарни непогоди.

Со меморандумот се предвидува воспоставување на континуирана соработка, реализација на заеднички активности и преземање конкретни мерки за подобрување на безбедноста на граѓаните.

Од Општина Делчево информираат дека ќе обезбедат логистичка и техничка поддршка на доброволното друштво, во рамките на своите можности, со цел зголемување на ефикасноста при интервенции на терен.

Претставниците на општината изразија благодарност за ангажманот и придонесот на членовите на друштвото во заштитата на заедницата, нагласувајќи дека заштитата на населението и создавањето побезбедна средина остануваат врвен приоритет.

Be the first to comment

Leave a Reply

Your email address will not be published.


*