Целосно решен проблемот со отпадните води во делчевските населби Полето и Басарицa

Заврши изградбата на последниот крак од фекалната канализација во делчевската населба Басарица. Со активностите кои опфаќаа изградба на фекална канализација во должина од 290 метри, како што информираа надлежните, целосно е решен проблемот со отпадните води во населбите Полето и Басарицa.

-Екипите на Јавното комунално претпријатие „Брегалница“ ја завршија изградбата на последниот крак од фекалната канализација на потегот Басарица – село Полето. Станува збор за изградба на фекална канализација во должина од 290 метри и поврзување на системот на населбата Басрица и колекторот. Со овие градежни зафати комплетно се реши проблемот со отпадните води во делот на Басарица и село Полето, информираа наделжните.

Минатата година на потегот Басарица-с.Полето, како што додадоа беше изградена фекална канализација во должина од 2 километри

-Средствата за реализација на активноста се обезбедени од Програмата за финансиска поддршка на руралниот развој преку Агенцијата за финансиска поддршка во земјоделието и руралниот развој, додека ДДВ-то во висина од 18 проценти ќе биде платени од општински средства, додадоа надлежните.

Инвестицијата за изградба на последниот крак од фекалнта канализација во Басарица е на Општина Делчево, а работите ги извршува ЈКП „Брегалница“.

Be the first to comment

Leave a Reply

Your email address will not be published.


*