Се одржа 5-тата изложба на олдтајмери во Делчево

Во Делчево се одржа традиционалната изложба на олдтајмери. Настанот го организираше здружението „King’s of the roads“ чиј претседател Лоренцо Трајановски информираше дека оваа година изложбата се реализира по јубилеен 5 пат. 

-Од одзивот на денешниот собир сме премногу задоволни, дури не очекувавме дека ќе дојдат колеги во толку голем број. Имаме над 70 возила  од вкупно 9 градови во Македонија, прекрасни олдтајмери, кои прв пат учествуваат на настанот. Ова е досега најголема бројка на возила кои учествувале на нашите собири и мислам дека да не беше пандемијата ќе имавме бројка од околу 150 учесници, истакна Трајановски.

Поради пандемијата на традиционалната изложба отсуствуваа гости од странство. На изложбата се најдоа и дел од колекцијата од 15 возила на претседателот на здружението. Тој од ретките возила кои пристигнаа во Делчево, издвоија неколку кои оставија посебен впечаток меѓу присутните.

-Од тие ретки возила ќе ги издводиме Волво В6, јас лично прв пат гледам таков автомобил во живо. Имаме и „Форд кортина“ која е многу ретка кола, такви примероци има 4 или 5 во Македонија. Исто така ќе ја издвојам мојата „Фолксваген К-70“, која исто така ретко ја има во Македонија. Имаме и Т-3 комбиња, но за нив е предвидено посебен балкански мини-бус настан на кој се надеваме дека ќе учествуваме, а потоа ќе издејствуваме и да бидеме организатори, додаде Трајановски.

Покрај споменатите, во рамки на изложбата на олдтајмери можеше да се забележи богата колекција на автомобили БМВ Е-30, француската „Диана“, Застава 750 или популарното „фиќо“, „порше“, „мерцедес“ и голем број на други модели.

Организаторите за учесниците обезбедија награди во повеќе категории.

-Доделивме награди за најмлад учесник, најстаро возило, најдобро реставрирано возило, возило со најмала помината километража. За учесниците секако обезбедивме и маици, плакати и благодарници, додаде Емил Илиевски член на „King’s of the roads“

ИЗЈАВИ НА ОРГАНИЗАТОРИТЕ НА ПЕТТАТА ОЛДТАЈМЕР ИЗЛОЖБА ВО ДЕЛЧЕВО

Наградата за најстаро возило ја доби Димитровски Ванче за своето возило Пежо 404 произведено 1967 година.

-Ние сме втори сопственици на ова возило кое е оригинал како што го гледате. Планираме комплетна реставрација  на возилото иако е прилично во добра состојба. Љубовта кон ова хоби ми се роди пред три години кога пежото го видов во гаража. Најпрвин сопствениците не сакаа да го продадат, но потоа ме побараа и така дојдов до него. Возилото има добра „вожња“, поради што порачувам сите што имаат „пежо 404“ да го чуваат, рече Димитровски.

ИЗЈАВА НА ВАНЧЕ ДИМИТРОВСКИ ДОБИТНИК НА НАГРАДАТА ЗА НАЈСТАРО ВОЗИЛО

Награди добија и малите Матеј Миленковски за неговиот Citroen и Матеј Левковски за неговот BMW произведено 1987 година.

ИЗЈАВА МАТЕЈ МИЛЕНКОВСКИ ДОБИТНИК НА НАГРАДА
ИЗЈАВА МАТЕЈ ЛЕВКОВСКИ ДОБИТНИК НА НАГРАДА

Младиот Мохамед Мемедов на изложбата учествуваше со популарното „фиќо“

ИЗЈАВА МУХАМЕД МЕМЕДОВ – УЧЕСНИК НА НАСТАНОТ

Љубовта кон олдтајмерите веќе неколку години ја негуваат и популарните музичари СЕКО кој на изложбата учествуваше со Фолксваген Буба и Ферки Мемедов кој поседува автомобил од марката БМВ.

ИЗЈАВА НА СЕКО – УЧЕСНИК НА ОЛД ТАЈМЕР ШОУТО
ИЗЈАВА НА ФЕРКИ МЕМЕДОВ – УЧЕСНИК НА ОЛД ТАЈМЕР ШОУТО

Еве со што се претставија и како го видоа овој настан и останатите учесници:

УЧЕСНИК НА ОЛД ТАЈМЕР ШОУТО ОД ВРАЊЕ СРБИЈА
УЧЕСНИК НА ОЛДТАЈМЕР ИЗЛОЖБАТА СО ЗАСТАВА 101
УЧЕСНИК НА ИЗЛОЖБАТА ОД СВ.НИКОЛЕ СО ЗАСТАВА 750 ФИЌО
УЧЕСНИК НА ОЛД ТАЈМЕР ШОУТО СО ОЛДТАЈМЕР ВОЛВО
УЧЕСНИК НА ОЛД ТАЈМЕР ШОУТО СО ФИЌО
УЧЕСНИК НА ОЛД ТАЈМЕР ШОУТО СО МОТОР ТОМОС
УЧЕСНИК НА ОЛД ТАЈМЕР ШОУТО СО РЕНО 4
УЧЕСНИК НА ОЛД ТАЈМЕР ШОУТО СО МЕРЦЕДЕС
УЧЕСНИК НА ОЛД ТАЈМЕР ШОУТО СО ФОЛКСВАГЕН БУБА
УЧЕСНИК НА ОЛД ТАЈМЕР ШОУТО СО ПОРШЕ

Чинот на доделување на наградите во продолжение:

ДОДЕЛУВАЊЕ НАГРАДИ НА ОЛДТАЈМЕР ШОУТО

Настанот заврши со вообичаеното дефиле кое се одвиваше низ улиците на Делчево:

ДЕФИЛЕТО НА ОЛДТАЈМЕРИ НИЗ УЛИЦИТЕ НА ДЕЛЧЕВО

Изложбата на олдтајмери во Делчево се организираше со посебни мерки за заштита од Ковид-19. 

Be the first to comment

Leave a Reply

Your email address will not be published.


*