Локалната власт најави зголемување на бројот на паркинзи во М.Каменица. Паралелно со зголемувањето на бројот на паркинзи како што информираа од Општината ќе се уредува и просторот околу Градскиот стадион во М.Каменица.
-Како општина во соработка со Јавното претпријатие “Камена Река” планираме изградба на неколку паркинзи во деловите каде тие недостасуваат, а некои паркинзи ќе бидат проширени. Паралелно ќе се уредува просторот околу Градскиот стадион, а ќе биде изградена и нова пристапна патека до трибинскиот дел на истиот, истакнаа од Општината.
Оттаму додадоа дека согласно планираните активности Јавното претпријатие ќе добие гаражен простор за возила и градежна механизација, како и сопствена перална за возила и машини.
Од ЈП ,,Камена Река” соопштија дека со цел разубавување на централното градаки подрачје годинава планираат засадување на повеќе од 20.000 цвеќиња и повеќе од 1 000 нови зимзелени и листопадни дрвни видови
Leave a Reply