Општина Берово ќе субвенционира млади лица со положен возачки испит од Б категорија

Средствата за оваа намена, како што информираа од Општината се издвоени од општинскиот Буџет.
-Младите лица, кои се жители на Општина Берово и редовни ученици во III и IV година, во Општинското средно училиште ,,Ацо Русковски“ од Берово, ќе бидат субвенционирани, со 8.000,00 денари, од Буџетот на Општина Берово, за полагање на возачки испит Б категорија.

Мерката е дел од програмата за социјална заштита на Општина Берово, која едногласно беше изгласана од страна на сите советници, на денешната 19-та седница на Советот, информираа од Општината.

Мерката како што додадоа има за цел да помогне на родителите во услови на економска и енергетска криза, во семејниот буџет, но и да се создаде еднаква можност на сите кои имаат желба, да полагаат возачки испит. 

-Исто така оваа мерка е и дел од мерките за млади, кои ги нуди општина Берово. Истата ќе  се применува од 01.01.2023 година, по поднесено барање од страна на заинтересираните корисници, согласно правилник,кој ќе биде донесен на некоја од наредните седници на Совет на Општина Берово, додадоа од Општината.

За оваа мерка, во Буџетот на општина Берово, за 2023 година ќе бидат предвидени 600 илјади денари

Be the first to comment

Leave a Reply

Your email address will not be published.


*