Поради сообраќајна несреќа во атарот на село Стамер, сообраќајот на регионалниот пат Делчево – Пехчево – Берово во моментот е пренасочен преку стариот пат Тработивиште – Делчево, информираа од кол центарот на СВР Штип, а информацијата ја потврдија од делчевската полиција.
Според информациите на Итната медицинска помош која интервенирала на терен, во несреќата три лица се повредени.
-Кај повредените констатирана е повреда на појасна кичма со колкови, повреда на глава со повредна рана и повреда на вратна кичма со повреда на глава, информираа од Итната медицинска помош во Делчево.
Повеќе детали за несреќата од делчевската полиција најавија во текот на вечерта.
Leave a Reply